Ағымдағы жылдың 20-сыншы ақпан күні мектебімізде ағылшын тілі апталығының ашылу салтанаты болды. Ашылу салтанатына бірлестіктегі барлық мұғалімдер ат салысып, апталықты ерекшелендіріп, жаңашылдықпен өткізуді жөн көрді. Нәтижесі де көз қуантарлықтай, түрлі заманауи дүниелерге толы болды. Ағылшын тілі пән мұғалімдері тек қана тілді үйретуді ғана емес, сол елдің мәдениетін де жеткізуге тырысты. Бірлестік мүшелері таңғы ауысым білім алушылары үшін 7.30 дан қаздай тізіліп, білім алушыларды қарсы алып, түрлі сайыстар, сұрақ-жауап бұрыштарын ұйымдастырды, (екінші ауысым білім алушылары үшін де қайталанды) білім алушылар өздерінің берген жауаптарына сай сыйлықтарға да қол жеткізіп, көтеріңкі күйде сабақтарына оралды. Сарыарқаның саршұнақ аязына дес бермей келген мектеп ұстаздарына арнайы кофе-брэйк ұйымдастырылды. Ұстаздарымыз да бойларын жылытып, әдемі нотада шәкірттерімен қауышты.
Жалпы ағылшын апталығын ерекше форматта ұйымдастырып отырған пән мұғалімдері өте үлкен ұйымшылдықпен білек сыбана кірісті, мектеп ішін безендіруден бастап, әр детальға жіті мән беруді көздеді, оқушыларға үлестірілген сыйлықтардың өзі ағылшын елінің символдарымен бейнеленген болса, тіптен кофе-брэйкте ұсынған шынаяқтардың өзі ағылшын тематикасымен ұсынылды. Бірлестіктің мақсаты - ағылшын апталығын сезіндіру, ағылшын мәдениетінен хабардар беру болды. Білім алушылардан және ұстаздардан жоғарғы көңіл-күй байқалды.
Апталық 20 - сынщы ақпан мен 1 - інші наурыз аралығында болмақ. Осы уақыт аралығында түрлі қызықтарға тап болатындарыңыз анық, жіберіп алмаңыздар, ағылшын тілі пәні мұғалімдері сіздермен бірге, келесі іс-шараларда жүздескенше!

https://www.instagram.com/p/C3mM3-yo83y/

https://www.instagram.com/p/C3mPETypmAB/