Мұқағали Мақатаев атындағы №74 мектеп –гимназиясында Ұлттық мұраны қастерлеуге, мемелекеттік рәміздерді құрметтеуге, татулық, келсім, ынтымақ және ел бірлігін сақтауға отаншылдыққа тәрбиелеуді басшылыққа ала отырып, Қазақстан Республикасы Мемлекеттік елтаңбасының авторы – белгілі сәулетші Жандарбек Мәлібековпен кездесуде болды. Бұл кездесуге Елтаңба авторының өзі келіп қатысты.
Жандарбек Малибеков оқушыларға өз өмірі мен шығармашылық жолы туралы көптеген қызықты мәліметтер айтып берді.
Әңгіме барысында екі жақта кездесудің мазмұнына шынайы қызығушылық танытты. Еркін жағдайда Жандарбек Малибеков Елтаңбаның өмірге келу тарихын айтып шықты. Ал оқушылар , өз кезегінде, белгілі тұлғамен өздерінің оқудағы, қоғамдық өмірдегі жетістіктерімен құмарлана бөлісіп, көкейлерінде жүрген сұрақтарын қойды.
Кездесу барысында Елтаңба авторы Жандарбек Мәлібеков сөз алды. Ол Мемлекеттiк Елтаңбаның жасалу тарихы туралы әңгiмелеп, оның композициялық құрылымының мәнiн арнаулы видео көрініс пен презентациялар арқылы толық әңгімелеп, сипаттап берді. «Тәуелсіздік – біздің еліміздің ең қасиетті құндылығы. Бүгінде біз жас әрі егемен елміз. Біздің басты мақсатымыз бен басымдығымыз елімізді дамытып, бейбіт өмірді сақтап, халықтар достығын шынайы жүзеге асыру. Бізге өз тіліміз бен салт-дәстүрімізді дамыту қажет», – деді Ж. Мәлібеков.
Ж. Мәлібеков кездесуге қатысқан оқушыларға сол кезде 293 жобаның ішінен таңдалып алынған елтаңбадағы әрбір символдың сырын ашып, мән-мағынасын түсіндіріп берді.
Елтаңба авторы М.Мақатаев шығармашылық орталығына өз қолтаңбасын қалдырып ,жылы лебізін білдірді.
Кездесу соңында Ж.Мәлібеков мектеп директоры Е. Бөкийханұлына жас ұрпақты тәрбиелеуде ұстаздардың еңбегі зор екенін айта келе, өзінің Елтаңба төсбелгісін тарту етті және мектеп кітапханасына ҚР Елтаңбасы кітабын табыстады.

https://www.instagram.com/p/Cy5f2GerVmU/?img_index=2