«Elorda Aqparat» медиакомпаниясы мен Астана қаласы Білім басқармасының бірлескен «Мектеп және медиасауаттылық» жобасы аясындағы кезекті кездесу Мұқағали Мақатаев атындағы №74 мектеп-гимназияда жалғасты

2014 жылы ашылған аталмыш білім беру ошағына ақиық ақынның есімі 2021 жылы берілді. Соған орай мектепте «Мұқағали әлемі» атты шығармашылық-танымдық орталығы ашылды. Оның ашылуына ақынның ұлы Жұлдыз Мұқағалиұлы мен келіні Бақытгүл Айдарова арнайы келіп қатысты. Әкелерінің қолжазбаларының көшірмесін, кітаптарын сыйлады.

«Elorda Aqparat» медиакомпаниясының директоры Олжас Сыдықбек бастаған серіктестік қызметкерлері Төлен Тілеубай, Сұлтанбай Сейіт, Сабина Кәкімжан, Гүлжан Уәлиева және осы жолдардың авторы алдымен осы орталықпен танысты. Мектеп директоры Еркінжан Бөкейхан оқу орны туралы жалпы мәлімет берді. Журналистердің оқушылармен кездесуін мектептің қазақ тілі мен әдебиеті мұғалімі Өркен Әбдіров тізгіндеді.

https://www.instagram.com/p/CyQYro3LA6p/